War-saxaafadeed


Madaxweynaha JSL Mudane Daahir Rayaale Kaahin waxa uu soo saaray Digreeto
cusub oo  uu ku magacaabay  Agaasimaha guud ee Shaqada Wasaarada
Caafimaadka Somaliland.


Madaxweynuhu isaga oo raacaya qodobka 90-aad , faqradiisa 3-aad ee
Dastuurka Somaliland, isla markaana tix gelinaya ahmiyada weyn ee
wasaarada Caafimaadka iyo shaqadu ay u leedahay dhismaha dalka , waxa uu u
magacaabay Mudane Ibraahim Diiriye Xayd  in uu ahaado Agaasimaha guud  ee
Shaqada Wasaarada Caafimaadka.


Madaxweynuhu , isaga oo aqoonsaday baahida weyn ee loo qabo buuxinta
jagadaasi iyo kartida aqooneed ee uu leeyahay waxa uu ku amray Agaasimaha
cusub in uu sida ugu dhakhsaha badan ula wareego xilka loo magacaabay.



Alla Mahad leh




Siciid Cadaani Mooge
Af-hayeenka Madaxtooyada JSL