Wararka ka imaanaya Magaalada Jowhar ee Xarunta Gobolka Shabellaha Dhexe ayaa sheegaya in Ciidamada Maxkamadaha islaamiga ee gacanta ku haaya Magaaladaas ay xabsiga dhigeen Rag Ganacsato ah.

Ilaa 15 Ganacsato oo lagu eedeynayo diidista Lacagaha Duuga ayay Ciidamo ka tirsan Maxkamadaha ka qab qabteen goobahooda ganacsi, xilli ay ku guda jireen ragaas arrimahooda ganacsi, isla markaana la sheegay in ay diideen qaadashada Lacagaha duuga.

Xuseen Xaaji oo ka mid ah shacabka ku dhaqan magaalada Jowhar oo goob joog ka ahaa marka la soo qab qabanayay dadkaasi ayaa waxaa uu sheegay in dadkaasi ay intooda badani aheeyen ganacsato isla markaana lagu eedeeyay in ay kala sooc ku hayeen lacagaha duuga ah iyo kuwa jeex jeexan ee shilin Soomaaliga.

Dhowaan ayay aheyd markii Saraakiisha Maxkamadaha ee ku sugan Magaalada Jowhar ay uga digeen Ganacsatada in ay diidaan lacagaha duuga ah, iyagoona sheegay in ay tallaabo cad ka qaadi doonaan cidii lagu arki iyagoo lacagahaas diideysa