Warar goor dhaw na soo gaaray aynu ka helnay xarunta Madaxtooyada Soomaaliya ee Magaalada Muqdish ayaa sheegaya in 12 Wasiir oo ka mid ahaa Xukuumadda Ra'iisal Wasaare Nuur Xasan Xuseen (Nuur Cadde) ku dhawaaqeen is casilaadooda kadib markii uu batay muranka u dhaxeeya Madaxweyne C/llaahi Yuusuf iyo Ra'iisal Wasaare Nuur Cadde.

Lama oga Wasiiradan is casilay cidda aragti ahaan taageersan yihiin marka laga hadlayo Madaxweynaha iyo Ra'iisal Wasaaraha, laakiin waxaa loo badinayaa inay yihiin Wasiirada xubno ku aragti ah Madaxweyne C/llaahi Yuusuf.

Wasiirada is casilay waxaa ka mid ah

Saalim Caliyow Ibrow = Ra’isu wasaare ku xigeen ahna Wasiirka Garsoorka

Caydiid C/llahi Ilka Xanaf = Ra’isu wasaare ku xigeen ahna Wasiirka Waxbarasahada iyo hiddaha

Muxiyidiin Max’ed Xaaji Ibraahim =Wasiirka Gaashaandhiga

Xuseen Ceelabe Faahiye =Wasiirka Ganacsiga, Wershadaha iyo Dalxiiska

Cali Axmed Jaamac Jengeli =Wasiirka Arrimaha Debada iyo Iskaashiga Caalamiga

Max’ed Cali Saalax Kaange = Wasiirka Macdanta iyo Tamarta

C/risaaq Ashkir Cabdi = Wasiirka Dib u heshiisiinta, Horumarinta Gobollada iyo Arrimaha Federalka

Cabdi Max’ed Tarrax=Wasiirka Boostada iyo Isgaarsiinta

Khadiijo Max’ed Diiriye =Wasiirka Horumarinta Haweenka iyo Arrimaha Qoyska

Waxay sheegeen in sababta isku casileen ay tahay waxqabad la’aanta Xukuumaddii ay ka tirsanaayeen sidaasna waxaa yiri Khadiijo Maxamed Diiriye oo ah Xaaska Ra'iisul Wasaare Kuxigeenka is casilay Saalim Caliyow Ibrow

Khadiijo Maxamed Diiriye oo saxaafada la hadashay isla markaana u hadashay wasaaradaha is casilay ayaa sheegay in is casilaadooda timid kadib markii sida ay hadalka u dhigtay xukuumada Nuur Cadde Noqotay mid Howlgab ah.

Khadiijo ayaa intaasi ku dartay In sidoo kale isku casileen kadib markii Ra’isul wasaare Nuur Cadde sameeyay ku tagri fal awoodeed isla markaana xil ka qaadis ku sameeyay Gudoomiyihii Gobolka Banaadir Maxamed dheere si sharci la.aan ah.

Dhamaan Wasiiradan waxay ku aragti yihiin sida ka muuqata Madaxweynaha dhaqankiisa noqday inuu la dagaalamo Ra'iisal Wasaarayaasha Xukuumadda Federaalka Soomaaliya