Madaxweynaha Jamhuuriyadda Somaliland Mudane Daahir Rayaale Kaahin , waxa
uu maanta shahaado sharaf gudoonsiiyay Mr Leo Kenny oo ahaa Isu-duwaha
hay’adda la Dagaalanka Aafada  Cudurka Aids-ka UN/AIDS ee Somaliland iyo
Soomaaliya.


Mr Leo Kenny oo Qaramada Midoobay u qaabilsanaa La Dagaalanka Cudurka
Aafada AIDS-ka waxa uu ka shaqaynayay dalka Somaliland tan iyo sanadkii
2004-kii , waxana hadda loo wareejiyay xafiiska Hay’adda Aids-ka ee QM oo
ku yaala Magaalada Geneva.


Madaxweynuhu , waxa uu u sheegay Mr Leo Kenny markii shahaadada
gudoonsiinayay in ujeedada shahaadada u siiyay ay tahay waxqabadkii iyo
fir fircoonaantii uu ka muujiyay hawshii uu ka qabtay Somaliland mudadii u
dhaxaysay 2004 ilaa 2008.


Kulankaasi shahaadada lagu gudoonsiiyay Mr Leo Kenny waxa kale oo goob
joog ka ahaa Xoghayaha fulinta ee Guddida Somaliland u qaabilsan la
Dagaalanka Aafada Aids-ka Md Maxamed Xuseen Cismaan  “Muadan” , Dr Maxamed
Rashiid oo ah wakiilka hay’adda UN AIDS ee Somaliland  iyo Dr Deeq Siciid
oo isaguna ah madaxa HIV/Aids ee hay’adda WHO.



Alla Mahad leh




Siciid Cadaani Mooge
Af-hayeenka Madaxtooyada Somaliland