Date: 10/09/2008

War-saxaafadeed


Madaxweynaha Somaliland Mudane Daahir Rayaale Kaahin waxa uu maanta soo
saaray digreeto ku salaysan dhaqan galka wax-ka bedelka iyo kaabista
xeerka maamulka dhulka Magaalooyinka.


Madaxweynuhu markii uu arkay ogolaanshaha Golaha Wasiirada ee wax ka
bedelka iyo kaabista xeerka maamulka dhulka , isla markaana isaga oo tix
gelinaya go’aankii golaha wakiiladu ay ku ansixiyeen xeerkaasi bishii
20/08/08, kuna saabsanaa xeerka maamulka dhulka magaalooyinka oo uu soo
jeediyay Madaxweynuhu  , Golaha wakiiladuna anisixiyeen.



Madaxweynuhu waxa uu soo saaray digreeto lagu dhaqan gelinayo qodobka
5-aad , 7-aad , 28-aad iyo 29-aad ee xeerka lambarkiisu yahay 17/2001 ee
wax ka bedelka kaabista xeerka maamulka dhulka magaalooyinka.





Alla Mahad leh


Siciid Cadaani Mooge
Afhayeenka Madaxtooyada JSL