Maxkamadaha Islaamiga ayaa sheegay in xal laga gaaray Qilaaf keenay gacan ka hadal soo kala dhex galay masuuliiyin ka tirsan Maxaakiimta ee kuwada sugan gobolka Sh/dhexe.

Kulan ay maanta isugu yimaadeen Saraakiil ka tiran Maxaakiimta islaamiga Soomaaliyeed magaalada Jowhar ee xarunta gobolka Sh/dhexe  ayaa waxaa ay xal kaga gaareen qilaaf soo kala dhex galay Masuuliyiinta Maxaakiimta Islaamiga Soomaaliyeed kaasi oo salka ku hayay arimaha Maamulka gobolka Sh/Dhexe.

Kulankani oo ka dhacay xarunta gobolka Sh/dhexe ee magaalada Jowhar ayaa waxaa ka soo qeyb galay gudoomiye ku xigeenka 2aad ee maxkamadaha Islaamka Soomaaliyeed Shiikh C/qaadir Cali Cumar,Afhayeenka dhanka howlagalada Maxkamadaha Shiikh C/raxiin Ciise Caddow iyo Gudoomiyaha Gobolka Sh/dhexe ee maamulka maxkamadaha Shiikh Daahir Caddoow Calasoow.

Kulankaasi kadib waxaa waxyabaaha ka soo baxay warbaahinta uga warbixiyay Shiikh C/qaadir Cali Cumar oo Maalmo ka hor gaaray magaalada Jowhar waxaana uu sheegay in ay soo dhameeyeen qilaafkii u dhexeeyay maamulka Maxkamadaha ee gobolka Sh/dhexe.

Kulankani ayaa waxaa uu yimid kadib markii qilaaf keenay sida la sheegay gacan ka hadala uu magaalada Jowhar ku dhex maray ciidamada Maxkamadaha kaasi oo u dhexeeyay Masuuliyiinta Maxkamadaha ee gobolka Sh/dhexe ka arimiya