Hay’ada UNICEF ee QM u qaabilasan dhalaanka iyo hooyada ayaa waxaa ay sheegtay in xaalada caruurta Soomaaliyeed ee ku nool gobolka Hiiraan ay ka soo dartay tan iyo markii ay dagaalo xoogan halkaasi ka dhaceen.

Hay’ada ayaa waxa ay ku baaqday in dadkaasi gargaar lala gaaro hadii aan taasi la yeelina ay keeni karto xaalad adag oo dhanka nolosha ah.

Warsaxaafadeed ay soo saartay hay’ada ayaa waxaa lagu sheegay in sidoo kale dadkii ka barakacay dagaalada magaalada Baladweyne ku dhex marayay ciidamada Ethiopia iyo xoogaga ka soo hor jeeda ay keentay in dhibaato ay ka soo gaarto dadka shacabka ah gaar ahaan caruurta gobolkaasi ku nool.

Madaxaha hay’ada UNICEF ee Soomaaliya Christian Balslev-Olesen ayaa waxaa uu sheegay in dalka Soomaaliya ay ka dheceen caruur la dilay la dhawacay lagu shaqeystay iyo kuwa kale oo fal danbiyeed aad u fool xun laga galay.

Ugu danbeyn waxaa ay hay’ada UNICEF ay sheegtay in ay gargaar gaarsiin doonto Magaalada Baladweyne iyo deegaanada ku xeeran oo ay ka jiraan dhibaatooyin dhanka nolosha ah.