Xoogaga Maxkamadaha Islaamiga ah ee kusugan Degmada Jalalaqsi ayaa hawlgallo ay maanta ka sameeyeen degmadaasi waxa ay kusoo qabqabteen dad isugu jira masoomeyaal iyo kuwa qamaar cayaarayay.

Hawlgalkan ay maanta Ciidamada Midowga Maxkamadaha ka sameeyeen Gudaha Degmada Jalalaqsi ee Gobolka Hiiraan ayaa waxa ay kusoo qabqabteen illaa iyo 7-ruux oo lasheegay in ay ahaayeen rag masoomeyaal ah iyo kuwa Qamaar cayaarayay.

Yuusuf Islow Cumar oo kamid ah dadka deegaanka ayaa shabelle u sheegay in xilliga dadkaasi lasoo qabqabanayay ay faraha kula jireen dambiyadasi lagu eedeeyay wuxuuna intaasi kudaray in dadkaasi lasoo xirxiray ladhigay Saldhig ay Ciidamada Maxkamadaha kuleeyihiin Degmada Jalalaqsi ee Gobolka Hiiraan.

Waxaa jiray dadweyna ay horey Maamulka Midowga Maxkamadaha ee gacanta ku haya Degmada Jalalaqsi ee Gobolka Hiiraan ay u jeediyeen dadka deegaanka oo ay uga digayeen waxyaabaha Sharciga Islaamka uusan ogoleyn.