Masuuliyiinta maamulka degmada Wanlaweyn ee gobolka Sh/Hoose ayaa kala diray ciidamadii booliska ee maamulkaasi kadib markii shalay waqti danbe ay degmadaasi gaareen xoogag taabacsan Al-Shabaab.

Ulajeedka Al-Shabaab ay halkaasi u gaareen ayaa lagu sheegay in ay tahay in ay kala dhex galaan laba beelood oo degmada Wanlaweyn ku dagaalamay kuwaasi oo haatan wadahadal u billowday.

Ma jiraan wali wax howlgallo ah oo ciidamada Al-Shabaab ay ka sameeyeen Wanlaweyn iyadoona masuuliyiintii maamulka dawladda ee degmadaasi ay aqaladooda isaga sugan yihiin.

Saraakiil katirsan Al-Shabaab ayaa u sheegay wariye Cumar C/Qaadir oo ku sugan Wanlaweyn in ay dhameyn doonaan khilaafka labada beelood u dhexeeya,isla markaana ay ka bixi doonaan degmadaasi.




Maxamed Carab