Wafdi Ballaaran oo ka socda Isbaheysiga Dib u Xoreynta Garabka Jabuuti, isla markaana ay horkacayaan Labada Shariif ayaa la sheegayaa in ay wada hadalo kula leeyihiin Diblomaasiyiin ka socoto Beesha Caalamka kuwaasi oo ku sugan Magaalada Nairobi ee Dalka Kenya.

Wafuudan ay kala hogaaminayaan Gudoomiyaha Gudiga Fulinta ee Isbaheysiga Dib u Xorenta iyo Gudoomiyaha Golaha Dhexe ee Isbaheysiga Sheekh Shariif iyo Shariif Xasan oo maalmihii la soo dhaafay ku sugnaa Magaalada Nairobi ayaa ayaa kulamo kula leh Magaalada Nairobi Diblomaasiyiin ajaanib ah iyo hay'adaha samafalka ee halkaasi ka howlgala .

Wafdigan oo uu horakacayo Sheekh Shariif Sheekh Axmed ayaa maalmihii la soo dhaafay waxa ay ku sugnaayeen magaalada Nairobi ee caasimada dalka Kenya waxaana halkaasi ay kulamo kula qaateen madax ka tirsan wakiilada beesha caalamka ee dalka Kenya iyo wakiilada hay'adaha samafalka oo fariisimadoodu ay ku yaalaan dalka Kenya.

Sida ay sheegayaan wararka socdaalka Sheekh Shariif waxaa kaloo qeyb ka ah arrimaha dib u heshiisiinta Soomaaliya iyo heshiiskii Jabuuti kal hore ku saxiixdeen Dowladda Federaalka iyo Isbaheysiga Dib u Xoreynta, waxaana ay dadaal ugu jiraan sidii Beesha caalamka ula socodsiin lahaayeen heshiiskaas dhaqan gelintiisa

Xubnaha Isbaheysiga oo ay horkacayaan labada Shariif ayaa mudooyinkii ugu dambreeyay waxa ay lahaayeen galaangal siyaasadeed oo balaaran iyadoo ay sii kordheyso fur furnaantooda dhinaca siyaasada ee beesha caalamka xilli xubaha isbaheysiga ee ku sugan magaalada Asmara ay ku eedeeyeen madaxadaasi in ay ka tanaasuleen mabaadii'dii lagu dhisay isbaheysiga islamarkaana ay u weecdeen qodobo kale oo qiyaano ku ah waxyaabihii ay isbaheysiga ay ku heshiiyeen