Wararka laga helayo Xafiiska Ra'iisul Wasaaraha Soomaaliya Nuur Xasan Xuseen (Nuur Cadde) ayaa sheegaya in haatan halkaas kulan albaabada u xiran ay ugu socdaan Ra'iisul Wasaaraha iyo tiro yar oo Wasiiradiisa ah.

Ra'iisul Wasaare Nuur Cadde ayaa ku guda jira tallaabooyinkii u dambeeyay ee uu ku magacaabayo Wasiiro cusub oo badalaya kuwa saaka ku dhawaaqay inay is casileen.

Ilo wareedyo ku dhow dhow Nuur Cadde ayaa xaqiijinaya in Isku dayga Ra'iisul Wasaraha uu yahay sidii uu ku buuxin lahaa jagooyinka ay baneeyeen saaka ilaa 10 wasiir oo xukuumadiisa ka tirsan.

Mar uu goor dhoweyd Nuur Cadde u waramayay BBC-da ayaa wuxuu sheegay inuusan isagu is casileyn, isla markaana kuwa sheegayay in ay is casileen ay ku dareen inuu iska casilay xilka Ra'iisul Wasaaraha, wuxuuna intaa ku daray inuusan ku tala jirin.

Wuxuu Ra'iisul Wasaaruhu sheegay in maalmahan uu waday qorshooyin uu booska Wasiiradaas uu ka wareejinayo, wuxuuna xusay inuu xilalka ka qaadi doono sida uu yiri.

Tallaabada Nuur Cadde haatan wado ayaa noqon karta Mid Xukuumadiisa kaga bad baadi karta in ay gebi ahaanba dhacdo, waxaase yaa ka sii daran hadii uu magacaabo Wasiiro Cusub in Madaxweynuhu aqbali waayo, waxaana ay sii keeni kartaa in khilaafka uu sii xoogeysto.

Khilaafka Madaxweynaha iyo Ra'iisul Wasaaraha ayaa yimid markii uu Ra'iisul Wasaaraha xilka ka qaaday Gudoomiyaha Gobolka Banaadir Maxamed Dheere, taasoo xataa ay ku mowqif noqon waayene Wasiiradiis