u diyaar garaw xooggan oo loogu jiro soo dhawaynta bisha ramadaan oo aad looga dareemayo dalka Djibouti

Djibouti:-iyadoo ay gabagabo tahay bisha shacbaan oo ay ka hadhsantahay in laba toddobaad ah oo kaliya ayaa waxa sida caadada ah aad looga dareemayaa dalkan djibouti tabaabulsho iyo diyaar garaw aad u wayn kaasoo lagu soo dhawaynayo bisha ramadaan ee barakaysan oo innagu soo fool leh
sicir barar aad u weyn ayaa laga dareemayaa suuqyada ugu waaweyn magaalada djibouti iyo magaalooyinka kale ee dalka djibouti kaasoo aad usaameeyay dadka maxaysatada ah ayaa haddana la arkayaa dad ku urursan oo safaf ugu jira dukaamada laga iibsado dhammaanba waxyaabaha quutal daruuriga ah ee sida gaarka ah loo isticmaalo bisha ramadaan

masaajidada ayaa iyagana ay aad uga muuqataa soo dhawaynta bisha ramadaan waxana la arkayaa iyadoo dayactir lagu samaynayo gudaha iyo dibada masaajiadada si loogu alla baryo bisha qiimaha badan ee innagu soo socota

dadka ku nool dalka djibouti ee aan u dhalan gaar ahaana kuwa ka yimid dalalka musliminka ah ayaa iyaguna la socda soo dhawayntaasi bisha ramadaan waxana ay kala qayb qaadanayaan dadka reer djibouti ah isku diyaarinta iyo la kulanka bisha barakaysan ee ramadaan

waxana ay dhamaantood sugayaan sidii ay ilaahay u baryi lahaayeen bisha cibaadada iyo dambi dhaafka leh ee innagu soo dhaw